«Экалагічнае кіно з’явілася ў нас на студыі пасля досыць доўгага перапынку. Спадзяюся, неўзабаве мы пачнём здымку двух поўнаметражных фільмаў, прысвечаных нацыянальным паркам „Прыпяцкі“ і „Белавежская пушча“. Таксама мы хочам працягнуць стварэнне экалагічных казак для дзяцей. Спачатку плануем зняць кінастужкі пра жыццё бабра і глушца», — распавёў Ігар Бышнёў.

«Фільм „Краіна выратаванага волата“ пра зубрах ужо быў прадстаўлены на некаторых кінафестывалях, а кінастужку „Бярэзінскі біясферны“ гледачы яшчэ ўбачаць на экранах. У 2025 годзе Бярэзінскаму біясфернаму запаведніку споўніцца 100 гадоў, так што мы падрыхтаваліся да юбілейнай даты загадзя», — дадаў рэжысёр.

Паводле яго слоў, экалагічная тэма на кінастудыі ўсебакова падтрымліваецца. «У нас у планах працягваць здымаць кіно на гэтую тэматыку. Паступова мы хочам расказаць пра ўсе запаведнікі і нацыянальныя паркі Беларусі», — падсумаваў Ігар Бышнёў.

Звязда, 22 лістапада 2023