Фінансаванне прапанавана ажыццяўляць у тым ліку шляхам размяшчэння ў банках-рэзідэнтах укладаў (дэпазітаў) з наступным напрамкам банкамі-рэзідэнтамі ад свайго імя і за свой кошт грашовых сродкаў на крэдытаванне інвестыцыйных праектаў суб`ектаў малога і сярэдняга прадпрымальніцтва і мерапрыемстваў, якія прадугледжваюць набыццё тавараў для іх перадачы ў фінансавую арэнду (лізінг) такім суб`ектам.

Яшчэ адзін прапанаваны механізм — праз набыццё аблігацый ААТ "Прамагралізінг" з наступным накіраваннем грашовых сродкаў ад размяшчэння аблігацый гэтым таварыствам на фінансаванне мерапрыемстваў, якія прадугледжваюць набыццё тавараў для іх перадачы ў фінансавую арэнду (лізінг) суб`ектам малога і сярэдняга прадпрымальніцтва.

Банк развіцця — спецыялізаваны фінансавы інстытут, створаны дзяржавай у адпаведнасці з указам прэзідэнта ад 21 чэрвеня 2011 года. Асноўныя задачы банка: фінансаванне праектаў, уключаных у дзяржаўныя праграмы; набыццё крэдытаў, выдадзеных іншымі банкамі на фінансаванне дзяржаўных праграм; льготная падтрымка айчыннага экспарту. Кантрольны пакет акцый Банка развіцця — 95,5% — належыць дзяржаве.

Аляксей Арэшка, БелаПАН
Мінск, 12 сакавіка 2016