У Мінскім абласным судзе 4 сакавіка вынесены прыгавор па першай у гісторыі Беларусі справе буйной сеткі распаўсюджвальнікаў псіхатропаў, наркадылераў "групы Зайцава". 

Слуханне крымінальнай справы доўжыўся больш за чатыры месяцы. Адзінаццаці фігурантам былі прад`яўленыя абвінавачванні ў незаконным абароце наркотыкаў (чч. 3, 4 арт. 328 КК), удзеле ў злачыннай арганізацыі (ч. 2 арт. 285 КК), кантрабандзе наркотыкаў (ч. 3 арт. 228 КК), прычыненні смерці па неасцярожнасці (ч. 1 арт. 144 КК). Чацвёра з іх, у тым ліку дзяўчына, абвінавачваюцца і ў арганізацыі злачыннай групы (ч. 1 арт. 285 КК).

Абвінавачаныя — ураджэнцы Бабруйска, Мінска, Гродна, Віцебскай і Мінскай абласцей. На момант затрымання (у лютым—верасні 2014 года) усе жылі ў Мінску або Мінскім раёне. Самы старэйшы з абвінавачаных — раней шэсць разоў судзімы ураджэнец Мінска 1977 года нараджэння, астатнія — значна маладзейшыя.

У ходзе працэсу абвінавачаных абаранялі больш за 20 адвакатаў.

4 сакавіка суддзя Наталля Аляхновіч абвясціла прысуды.

Аляксандр Чарапко, якому сёння спаўняецца 23 гады, прысуджаны да 19 гадоў пазбаўлення волі ў калоніі ўзмоцненага рэжыму. Такія ж прысуды атрымалі 27-гадовы Сяргей Грыневіч, 34-гадовы Максім Бакуновіч і 20-гадовы Валянцін Беленькі.

38-гадовы Андрэй Сінькевіч прыгавораны да 19 гадоў пазбаўлення волі ў калоніі строгага рэжыму.

23-гадовая Юлія Астапенка — да 19 гадоў пазбаўлення волі ў калоніі агульнага рэжыму.

26-гадовы Кірыл Анціховіч прыгавораны да 17 гадоў пазбаўлення волі ў калоніі ўзмоцненага рэжыму. Такое ж пакаранне прызначанае 26-гадоваму Яраславу Еўдачкову і 30-гадоваму Сяргею Барысенку.

26-гадовы Яўген Мошаль прыгавораны да 12 гадоў у калоніі ўзмоцненага рэжыму.

25-гадовы Яўген Костэль — да 9 гадоў пазбаўлення волі ў калоніі ўзмоцненага рэжыму.

Ва ўсіх асуджаных суд пастанавіў канфіскаваць маёмасць.

Найбольшыя тэрміны атрымалі фігуранты, прызнаныя вінаватымі ў стварэнні і кіраўніцтве арганізаванай злачыннай групай і аддзяленні міжнароднай злачыннай арганізацыі.

Суд таксама пастанавіў спагнаць з Чарапко і Астапенкі 300 мільёнаў рублёў у якасці кампенсацыі маральнай шкоды сям`і маладога чалавека, які загінуў ад перадазіроўкі псіхатропаў.

Калі суддзя зачытвала прысуд, у зале чуліся ўсхліпы.

Аб затрыманні арганізатараў інтэрнэт-гандлю і закладнікаў следчыя органы аб`явілі ў лютым 2015 года. Кіраўніком і ідэйным натхняльнікам стварэння на тэрыторыі Беларусі рэгіянальнага падраздзялення міжнароднай арганізацыі прызнаны Юрый Зайцаў 1991 года нараджэння, які знаходзіцца ў міжнародным вышуку.

Паводле інфармацыі следчых органаў, асуджаныя з`яўляліся кіраўнікамі інтэрнэт-крам Tobaccoshop, Zakупон.by і Go Daddy і з дапамогай інтэрнэту займаліся распаўсюджваннем псіхатропаў ў перыяд з 2013 года 2014-ы. У лютым 2014-га ў выніку атручэння псіхатропнымі рэчывамі, набытымі ў адным з названых магазінаў, у Мінску памёр падлетак 1998 года нараджэння.

Следчымі былі выяўлены множныя эпізоды злачыннай дзейнасці інтэрнэт-крам, прадухілена распаўсюджванне больш чым 36 кг псіхаактыўных рэчываў, 200 тысяч марак, частка з якіх ужо была апрацавана адмысловымі рэагентамі і падрыхтавана для продажу.

У ходзе следства быў устаноўлены канал пастаўкі псіхаактыўных рэчываў для гэтых інтэрнэт-крам у Беларусь, а таксама атрыманыя звесткі аб дзеянні злачыннай арганізацыі ў Казахстане, Украіне і Расіі.

На першапачатковым этапе судовае следства праходзіла ў адкрытым рэжыме, аднак затым у дачыненні да часткі абвінавачаных сталі абвяшчаць аператыўныя матэрыялы, якія ўтрымлівалі дзяржаўныя сакрэты. У сувязі з гэтым у канцы лістапада дзяржабвінавачанне папрасіла суд аб правядзенні далейшых слуханняў у закрытым рэжыме, і суддзя гэтае хадайніцтва падтрымаў.

Вячаслаў Будкевіч, БелаПАН
Мінск, 4 сакавіка 2016