Да такіх мерапрыемстваў належаць урачысты рытуал ушаноўвання дзяржаўных сімвалаў, які адбудзецца ў другую нядзелю мая на плошчы Дзяржаўнага сцяга, а таксама іншыя мерапрыемствы.

Прыняць удзел у адборы могуць рэжысёры-пастаноўшчыкі тэатральна-відовішчных арганізацый і арганізацый культуры, студэнты і вучні ўстаноў адукацыі ў сферы культуры, якія вучацца па спецыяльнасцях "рэжысура тэатра", "рэжысура свят", "мастацтва эстрады (рэжысура)", і блізкіх спецыяльнасцях, а таксама іншыя асобы, якія маюць досвед правядзення культурных мерапрыемстваў і зацікаўлены ў падрыхтоўцы культурных праграм.

У рэжысёрскіх канцэпцыях просяць адлюстраваць важныя тэмы і падзеі ў грамадскім і культурным жыцці краіны, паказаць лепшыя дасягненні беларускага музычнага, харэаграфічнага акадэмічнага, народнага і эстраднага мастацтва ў розных жанрах, прыцягнуць да ўдзелу ў праграме творчыя калектывы і выканаўцаў усіх рэгіёнаў краіны, а таксама моладзевыя грамадска-патрыятычныя ініцыятывы. Удзельнікаў заклікаюць выкарыстоўваць новыя ідэі, арыгінальныя рашэнні, сучасныя тэхналогіі і спецэфекты.

Акрамя таго, рэжысёрам-пастаноўшчыкам прапануюць разгледзець магчымасць размяшчэння на месцы правядзення мерапрыемства лекцыйных або дыялогавых пляцовак, выстаў, розных інфармацыйна-адукацыйных і камунікацыйных зон, а яшчэ просяць прадугледзець пратакольны рытуал ушаноўвання дзяржаўных сімвалаў Беларусі (да 30 мінут) і інтэрактыўна-канцэртную праграму пасля завяршэння пратакольнай часткі (ад 1 да 1,5 гадзіны). Матэрыялы трэба прадставіць не пазней за 1 лістапада 2023 года.

20 кастрычніка 2023, Мінск
БЕЛТА