У адпаведнасці з Планам асноўных мерапрыемстваў міжнароднага ваеннага супрацоўніцтва на 2015 год для ўдзелу ў сумесных беларуска-кітайскіх антытэрарыстычных вучэннях (трэніроўцы) "Імклівы арол — 2015" у Беларусь прыбылі ваеннаслужачыя спецыяльнай паветрана-дэсантнай роты Паветрана-дэсантных войскаў Ваенна-паветраных сіл Народна-вызваленчай арміі Кітая.

З беларускага боку ў вучэннях возьме ўдзел мабільная рота 382-га асобнага мабільнага батальёна 38-й гвардзейскай асобнай мабільнай брыгады сіл спецыяльных аперацый Узброеных сіл. 

Вучэнні пройдуць з 15 па 27 чэрвеня на палігоне Брэсцкі. 

Падчас мерапрыемства сумесным падраздзяленнем Узброеных сіл Беларусі і Народна-вызваленчай арміі Кітая будуць адпрацаваныя пытанні падрыхтоўкі і вядзення спецыяльных дзеянняў пры выкананні антытэрарыстычных задач.

Вячаслаў Будкевіч, БелаПАН
Мінск, 15 чэрвеня 2015