Як паведамілі ў Дзяржаўным пагранічным камітэце, крыніцай выпраменьвання аказалася 58-гадовая грамадзянка Літвы, якая накіроўвалася ў Беларусь на аўтобусе "Неаплан". Жанчына растлумачыла, што ў сувязі з хваробай яна прымае радыеактыўныя прэпараты, аднак пацвярджальных папер паказаць не змагла. Таму ўезд для яе ў краіну быў закрыты.

У пагранведамстве Беларусі адзначаюць, што апошнім часам падобныя выпадкі ў пунктах пропуску пачасціліся. У сувязі з гэтым Дзяржпагранкамітэт нагадвае грамадзянам, якія праходзяць лячэнне з прымяненнем радыяцыйных прэпаратаў, пра неабходнасць мець пры перасячэнні мяжы даведку аб праходжанні медыцынскіх працэдур з выкарыстаннем радыенуклідаў. Або на працягу трох тыдняў пасля правядзення гэтай працэдуры варта наогул адмовіцца ад далёкіх паездак.

Вячаслаў Будкевіч, БелаПАН
Мінск, 9 чэрвеня 2015