Пра гэта паведаміла 30 ліпеня афіцыйны прадстаўнік СК Юлія Ганчарова на сваёй старонцы ў сацыяльнай сетцы "Фэйсбук".
Галоўнае следчае ўпраўлення Следчага камітэта (СК) Беларусі "праводзіць працэсуальныя дзеянні па крымінальнай справе аб карупцыі ў дачыненні да службовых асоб наваполацкага ААТ "Нафтан".
"Падставай для распачынання крымінальнай справы паслужылі матэрыялы галоўнага ўпраўлення па барацьбе з арганізаванай злачыннасцю і карупцыяй Міністэрства ўнутраных спраў. У межах крымінальнай справы затрыманыя намеснік генеральнага дырэктара і шэраг іншых службовых асоб згаданага акцыянернага таварыства, а таксама кіраўнікі прадпрыемстваў рэальнага сектара эканомікі", — зазначае Ганчарова.
Дзеянні падазроных кваліфікаваныя на падставе ч. 3 арт. 424 (злоўжыванне службовымі паўнамоцтвамі) Крымінальнага кодэкса Рэспублікі Беларусь.
Зараз праводзяцца следчыя дзеянні, скіраваныя на ўстанаўленне ўсіх акалічнасцяў учынення гэтых злачынстваў. Ідзе расследаванне, паведаміла афіцыйны прадстаўнік СК.
БелаПАНМінск, 30 ліпеня 2014
