Якія падзеі адбыліся 23 жніўня і чым адзначаны гэты дзень у народным календары, чытайце далей:
Гістарычныя падзеі 23 жніўня
У 1561 годзе Мікалай Радзівіл Чорны ўвайшоў у Рыгу, якая пераходзіла пад уладу ВКЛ.
У 1653 годзе Крычаў атрымаў магдэбургскае права і герб.
У 1939 годзе ў Маскве быў падпісаны Пакт Молатава-Рыбентропа.
Хто нарадзіўся 23 жніўня
1917 год: Пімен Панчанка, беларускі паэт.
1938 год: Мікола Сташкевіч, беларускі гісторык.
Таксама ў гэты дзень нарадзіліся кароль Францыі Людовік XVI і рускі пісьменнік Аляксандр Грын.
23 жніўня ў народным календары
У гэты дзень праваслаўныя вернікі шануюць памяць святога пакутніка Лаўрына (Лаўрэнція). Лічыцца, што гэты святы дапамагае вылечыць хваробы вачэй – пры жыцці Лаўрын даваў зрок людзям, якія нарадзіліся сляпымі.
Ураджай ужо сабраны – час рабіць са збожжа муку. "На Лаўрына спяшай да млына", - казалі ў народзе.
Таксама па гэтым дні вызначалі, якое надвор`е будзе ўвосень і ўзімку. Калі вецер не гоніць па вадзе хвалі, то і восень будзе бязветраная, а зіма – без завей. Калі ж ідзе дождж, або наадварот сонца прыпякае, – такое надвор`е будзе і ўвосень.
Sputnik, 23 жніўня 2023
