Пры правядзенні праверачных мерапрыемстваў аператыўнікамі аддзела па барацьбе з эканамічнымі злачынствамі Кастрычніцкага РУУС сталіцы затрыманы мінчанін, які ажыццяўляў незаконныя валютна-абменныя аперацыі.
Як паведамілі ў ГУУС Мінгарвыканкама, малады чалавек быў затрыманы ў момант продажу валюты па заніжаным курсе. Прадметам здзелкі была сума ў 7.250 долараў ЗША. Пры аглядзе ў валютчыка выяўлены грашовыя сродкі ў колькасці 98 млн. беларускіх рублёў.
Падчас разгляду ўстаноўлена, што затрыманы працуе на валютна-фондавай біржы.
Па гэтым факце праводзіцца праверка.
Вячаслаў Будкевіч,
БелаПАН
