З 14 лютага па 4 красавіка ў сталіцы будзе праходзіць Другі Мінскі фестываль фатаграфіі.
Фестываль адкрыецца 14 лютага ў Мастацкай галерэі Міхаіла Савіцкага выніковай выставай БГА «Фотамастацтва» «Прыступкі», на якой будуць прадстаўлены каля 200 работ беларускіх майстроў.
Выставы пройдуць таксама ў Мастацкай галерэі Міхаіла Савіцкага, у галерэі «Універсітэт культуры» і ў Музеі гісторыі горада Мінска.
Арганізатары адзначаюць, што асаблівасцю фестывалю ў гэтым годзе стане тое, што ў Мінск прыедуць і замежныя фатографы. Майстры з Літвы, Украіны, Арменіі і Малдовы. Усяго ў мерапрыемствах прымуць удзел каля 70 фатографаў.
Звязда, 7 лютага 2014
