«Менавіта сітуацыя ва Украіне стала тэмай размовы Прэзідэнта Беларусі Аляксандра Лукашэнкі з украінскай журналісткай Дзіянай Панчанка. Як заўсёды кіраўнік нашай дзяржавы быў шчыры. Ён неаднаразова падкрэсліваў, што з вялікай павагай ставіцца да ўкраінцаў і шчыра трывожыцца за будучыню суседняй краіны, якой проста можа не быць, калі не спыніцца, — адзначыла Эльвіра Сарока. — Толькі за сталом перагавораў можна знайсці развязкі сітуацыі, і рабіць гэта трэба з удзелам усіх уцягнутых бакоў і моцных свету ўсяго. Гэтая пазіцыя беларускага лідара нязменная і пацвярджаецца яго канкрэтнымі справамі і ўчынкамі. І калі б Мінскія пагадненні былі рэалізаваныя, магчыма, сёння сітуацыя была б зусім іншай».

Наш Прэзідэнт перакананы, што першым крокам Украіны на шляху да аднаўлення краіны павінен быць крок да міру. І затым, ужо ў мірнай краіне, можна развіваць і выбудоўваць эканоміку, падкрэсліла сенатар.

«Пры гэтым многае будзе залежаць ад вертыкалі ўлады — так званага дзяржаўнага стрыжня, — дапоўніла яна. — Мы, беларусы, як ніхто разумеем і цэнім важнасць мудрага кіраўніцтва. Беларусь таксама прайшла няпростыя часы. Але насуперак усім цяжкасцям нашаму Прэзідэнту ўдалося захаваць мір і адзінства ў краіне. Мы жывём пад мірным небам, выхоўваем дзяцей і ўнукаў, будуем дамы, расцім хлеб і ўпэўнена глядзім у будучыню. І гэта галоўнае».

Звязда, 20 жніўня 2023