У Клімавіцкім раёне адкрылі дом часовага пражывання для пенсіянераў.
Гэты дом адкрыўся ў вёсцы Барысавічы. У памяшканні зроблена ўсё, каб пажылыя людзі адчувалі сябе ўтульна: ёсць паравое і пячное ацяпленне, сучасная мэбля. Тут таксама добры прысядзібны ўчастак, пабудаваны хлеў для вядзення хатняй гаспадаркі.
Жыць у доме пажылыя людзі змогуць неабмежаваную колькасць часу. Карыстанне яго паслугамі платнае — з пенсіі адлічваецца 80 %. Але, па прызнанні старых, за такія камфортныя ўмовы, якасную сацыяльную дапамогу гэтых грошай зусім не шкада.
Рэспубліка, 24 лістапада 2012
