Намеснік прэм`ер-міністра Анатоль Тозік правёў пасяджэнне арганізацыйнага камітэта па падрыхтоўцы і правядзенню свята "Купалле" ("Александрыя збірае сяброў"). Разгледжаны план мерапрыемстваў па падрыхтоўцы і правядзенню свята, яго праграма.

Адным з новых элементаў свята стане міжнародны пленэр па кераміцы "Арт-Жыжаль". Будуць арганізаваны майстар-класы для ўсіх жадаючых прыняць удзел у вырабе памятнага керамічнага сувеніра з сімволікай свята.

У праграме канцэрта "Александрыя збірае сяброў" будуць выкарыстаны атрыбуты купальскага абраду, гульняў, фальклорных персанажаў.

Аб`яўлены конкурсы сярод студэнтаў на лепшую дыпломную работу па афармленню святочных пляцовак аграгарадка, а таксама на лепшы сувенір-сімвал свята.

Беларускай гандлёва-прамысловай палатай будзе арганізавана асобная праграма для прадстаўнікоў замежных дзелавых колаў.

У час свята пройдуць фестывалі піва і беларускага лёну.

Генеральным спонсарам мерапрыемстваў свята выступіць ААТ "Беларуская валютна-фондавая біржа".

Па выніках пасяджэння арганізацыйнага камітэта органам дзяржаўнага кіравання і арганізацыям дадзены даручэнні для правядзення мерапрыемстваў "Купалля" на высокім арганізацыйным і творчым узроўні.

27 лютага 2013, Мінск
БЕЛТА