Выстаўка "Польская кераміка XVIII–XX стст." з калекцыі Верхнесілезскага музея ў Бытаме (Польшча) пройдзе ў Нацыянальным мастацкім музеі Беларусі з 15 лютага па 25 сакавіка, паведамілі ў музеі.
Упершыню ў Беларусі будзе прадстаўлена больш як 150 твораў польскіх фаянсавых мануфактур. Калекцыя керамікі, якая ахоплівае вырабы ад XVIII да сярэдзіны ХІХ стагоддзя, лічыцца адной з самых цікавых такіх збораў у Польшчы. XVIII стагоддзе было часам актыўнага росту керамічнай вытворчасці ў краінах Заходняй і Усходняй Еўропы. У той жа перыяд пачалі сваю дзейнасць і верхнесілезскія мануфактуры фаянсу. У іх шэдэўрах знайшлі адлюстраванне ўведзеныя ў той час наватарскія тэхналагічныя рашэнні еўрапейскіх вытворцаў. Польская кераміка эпохі Асветы вызначалася мноствам фармальна-пластычных рашэнняў.
Керамічная выстаўка не толькі пазнаёміць з унікальнымі творамі мастацтва. Экспазіцыя таксама служыць прэзентацыяй аднаго з вядучых польскіх музеяў. Заснаваны ў 1910 годзе Верхнесілезскі музей на працягу многіх гадоў выконваў функцыі цэнтральнай установы музейнай справы Верхняй Сілезіі. Сёння яго калекцыі налічваюць амаль паўтара мільёна прадметаў з асноўных галін: археалогіі, этнаграфіі, гісторыі, прыродазнаўства, а таксама мастацтва.
Экспазіцыя "Польская кераміка XVIII–XX стст." арганізавана Верхнесілезскім музеем у Бытаме, Польскім інстытутам ў Мінску і Нацыянальным мастацкім музеем Рэспублікі Беларусь.
14 лютага 2013, Мінск
БЕЛТА
