Нядаўна ў інтэрнэце "Цэнтрам экалагічных рашэнняў" быў запушчаны праект "Зялёная карта" (grееnmар.bу), які ўяўляе сабой інтэрактыўную электронную карту, дзе пазначаны ў Беларусі пункты здачы другаснай сыравіны, адходаў і непатрэбных рэчаў.
Звязда пісала аб гэтым (артыкул "Як і дзе пазбавіцца ад адходаў і непатрэбных рэчаў? Адказ ёсць!") 26 кастрычніка 2012 года). Зараз гэты праект атрымаў свой працяг.
З дапамогай сайта "Зялёная карта" можна хутка выявіць бліжэйшае да вас месца, дзе можна здаць небяспечныя адходы на перапрацоўку або знайсці іншага гаспадара для непатрэбных вам рэчаў.
Зараз тое ж самае можна зрабіць і з дапамогай мабільнага тэлефона. Грамадскі праект "Зялёная карта" выпусціў мабільны дадатак для тэлефонаў, якія працуюць з аперацыйнай сістэмай Аndrоіd. Гэта своеасаблівая інтэрактыўная "шпаргалка", якая заўсёды пад рукой. Мабільны дадатак карты для свайго тэлефона можна бясплатна спампаваць на сайце Grееnmар.bу. Пакуль карта працуе толькі для Мінска і Гродна, але ў бліжэйшай будучыні на ёй з`явяцца Гомель, Брэст і Баранавічы.
Святлана Бусько
Звязда, 25 студзеня 2013
