У Мінскай вобласці з 13 па 24 снежня атрымалі абмаражэнні або пераахалоджанні 50 чалавек (з іх два дзіцяці), у тым ліку тры чалавекі загінулі. Аб гэтым паведамілі ў Мінскім абласным упраўленні МНС.
Як адзначылі ва ўпраўленні, гэта толькі тыя, хто звярнуўся па медыцынскую дапамогу. У групе рызыкі — людзі, якія працуюць на вуліцы (вартаўнікі, будаўнікі і г.д.), пенсіянеры, дзеці і бяздомныя.
Так, у Капыльскім раёне ў паліклініку прывезлі 5-месячную дзяўчынку, якая адмарозіла шчокі. Стан дзіцяці здавальняючы. З дыягназам "агульнае пераахалоджанне" ў рэанімацыйнае аддзяленне Жодзінскай бальніцы паступіў зваршчык мясцовага прадпрыемства. З абмаражэннем 2-3-й ступені абедзвюх кісцей рук шпіталізавана ў хірургічнае аддзяленне і жыхарка Мінскага раёна.
24 снежня з абмаражэннем канечнасцяў у бальніцы вобласці звярнуліся дзевяць чалавек.
Марына Носава,
БелаПАНМінск, 26 снежня 2012
