Намеснікам міністра ўнутраных спраў — камандуючым унутранымі войскамі МУС Беларусі прызначаны палкоўнік Юрый Караеў, паведаміла прэс-служба прэзідэнта.
Былы камандуючы — генерал-маёр Валерый Гайдукевіч — вызвалены ад пасады і звольнены з ваеннай службы ў запас па ўзросце з правам нашэння ваеннай формы адзення і знакаў адрознення.
Гайдукевіч цяпер з`яўляецца дэпутатам Палаты прадстаўнікоў Нацыянальнага сходу Беларусі.
Указы пра кадравыя перастаноўкі ў кіраўніцтве МУС Аляксандр Лукашэнка падпісаў 22 снежня.
Апошняя пасада Караева ва ўнутраных войсках — першы намеснік начальніка аператыўнай і баявой падрыхтоўкі ўнутраных войскаў.
Цяпер Караеў — слухач факультэта Генеральнага штаба Узброеных сіл Ваеннай акадэміі Беларусі.
Вячаслаў Будкевіч,
БелаПАНМінск, 22 снежня 2012
