Адкрывае нумар гутарка з пісьменнікам, выдаўцом, мастаком і перакладчыкам Уладзімірам Сіўчыкавым, у якой ён распавядае пра сваю малую радзіму – горад Жодзіна і яго заснавальніка Багуслава Радзівіла ды пра бліжэйшыя выдавецкія планы.
У рубрыцы “Імпрэзы” чытайце рэпартаж з вечарыны памяці паэткі Таццяны Сапач, якая загінула ў аўтакатастрофе ў снежні 2010 года.
У рубрыцы “Погляд” змешчана рэцэнзія на зборнік “Славутыя імёны Бацькаўшчыны”.
Па традыцыі ў чарговым нумары “Кніганошы” чытач знойдзе інфармацыю пра шэраг навінак беларускамоўнага друку, сярод іх: “Толькі б яўрэі былі!..” Рыгора Барадуліна, “Зборная РБ па негалоўных відах спорту” Паўла Касцюкеівча, “Нясвіжскі альбом” Францішкі Уршулі Радзівіл, “Сад замкнёных гор” Сержа Мінскевіча, “Малады вецер” Янкі Сіпакова і інш.
Спампаваць новы нумар "Кніганошы" можна на партале
"ЗБС "Бацькаўшчына"
12 лютага 2012
Інфармацыйны цэнтр МГА
"ЗБС "Бацькаўшчына"
