Дарагі аўтамабіль пад кіраваннем грамадзяніна Латвіі быў затрыманы ў пункце пропуску "Урбаны" Браслаўскага раёна — полацкія памежнікі меркавалі, што ў гэтай іншамаркі зменены ідэнтыфікацыйны нумар кузава.
Па выніках экспертызы стала вядома, што ідэнтыфікацыйная маркіроўка "BMW X6" была выразаная, а на яе месца прымацавана металічная пласціна з іншай маркіроўкай. Кошт аўтамабіля папярэдне ацанілі ў 700 мільёнаў рублёў.
Максімальнае пакаранне, прадугледжанае Крымінальным кодэксам Рэспублікі Беларусь за такія "махінацыі" — абмежаванне волі на тэрмін да двух гадоў.
Аляксандр Пукшанскі
Звязда, 17 лістапада 2011
