Гэтае даручэнне было дадзена 21 лістапада падчас даклада кіраўніку дзяржавы старшыні Камітэта дзяржаўнага кантролю Аляксандра Якабсона, паведаміла прэс-служба прэзідэнта.
Якабсон праінфармаваў Лукашэнку аб выніках кантролю за станам будаўнічага комплексу, які сёлета сутыкнуўся з сур`ёзным скарачэннем аб`ёмаў фінансавання і збудавання жылля. Лукашэнка адзначыў, што аблвыканкамы павінны сканцэнтравацца на тым, каб забяспечыць будаўніцтва жылля за мяжой у аб`ёме сродкаў, якіх не хапае для фінансавання жылля ў Беларусі.
Размова ішла таксама аб будаўніцтве новых цэментных вытворчасцяў, што павінны быць уведзены ў эксплуатацыю да новага летняга сезона. Прагназуецца, што дзякуючы новым магутнасцям удасца вырашыць праблему дэфіцыту ў краіне цэменту.
Падчас рабочай сустрэчы гаварылася аб недахопе рухомага чыгуначнага саставу. За мяжой запатрабавана беларуская будаўнічая прадукцыя, аднак часта яе немагчыма даставіць пакупніку, у выніку чаго зрываюцца знешнегандлёвыя кантракты.
Лукашэнка запатрабаваў, каб гэта праблема была знята ў кароткія тэрміны.
Марына Носава,
БелаПАНМінск, 21 лістапада 2011
