Па выніках працы за восем месяцаў 2011 года 20,9% улічваных будаўнічых і рамонтных арганізацый сталіцы былі стратнымі. Такія звесткі апублікавала галоўнае статыстычнае ўпраўленне Мінска.
Рэнтабельнасць рэалізаванай будаўнічай прадукцыі склала 6,4% супраць 8,2% у студзені—жніўні 2010 года.
Сярэднямесячная зарплата ў будаўніцтве за восем месяцаў гэтага года перавысіла сярэднегарадскую на 13%. У параўнанні з аналагічным перыядам мінулага года яна вырасла на 32,6%, у той час як у сярэднім па Мінску — на 41,4%.
Чысты прыбытак падрадных арганізацый за студзень—жнівень 2011 года склаў 185,7 млрд. рублёў і павялічыўся на 16,4%.
У студзені—верасні 2011 года арганізацыямі горада выканана работ па дагаворах будаўнічага падраду на 7 трлн. 850,1 млрд. рублёў, што на 18,7% больш, чым за той жа перыяд 2010 года.
Асноўная частка будаўніча-мантажных работ (90,2%) выконваецца арганізацыямі прыватнай формы ўласнасці. Амаль 10% ад усіх падрадных работ складаюць работы па капітальным і бягучым рамонце будынкаў і збудаванняў, траціна з іх — па рамонце жылога фонду.
У студзені—верасні 2011 года будаўнічымі арганізацыямі горада пабудавана 637,3 тыс. квадратных метраў жылых дамоў, гэта на 191,6 тыс. квадратных метраў менш, чым за студзень—верасень 2010 года.
Марына Носава,
БелаПАНМінск, 23 кастрычніка.
