"Мы пераехалі ў Беларусь з Данецкай вобласці Украіны. Чаму менавіта Беларусь? Доўгі час мы вывучалі на YouTube інфармацыю аб гэтай краіне. Я падпісалася на канал блогера з Мазыра "Я Жыву". Мы шмат глядзелі, вывучалі і доўга не верылі, што так можа быць, што людзі могуць так жыць. Але ў выніку прынялі рашэнне і прыехалі сюды", - расказала Кацярына.

У жанчыны сям`я, якая складаецца з пяці чалавек: разам з мужам яна выхоўвае траіх дзяцей. Кацярына адзначае, што Беларусь сустрэла іх добра.

"Мы прыехалі ў жніўні. У хуткім часе дзеці пайшлі ў школу. Старэйшая дачка - у дзявяты клас. У першы дзень яна плакала, перажывала, і я разам з ёй. Але на другі дзень яна прыйшла са школы і сказала, што ў яе такое адчуванне, што яна з гэтымі дзецьмі з першага класа ў школу ходзіць. Усе прынялі нас як сваіх. Тут няма таго, ад чаго мы выязджалі з Украіны. Нас прынялі нібы мы тут усё жыццё жылі", - дадала Кацярына.

5 лістапада 2024, Мінск
БЕЛТА