У першым квартале 2011 года Беларускі інавацыйны фонд прафінансаваў 10 праектаў па арганізацыі і асваенні вытворчасці на 5,7 млрд. рублёў, паведаміла прэс-служба Дзяржаўнага камітэта па навуцы і тэхналогіях.
У стадыі падрыхтоўкі дакументаў і праходжання дзяржаўнай экспертызы знаходзіцца яшчэ 10 праектаў.
Як адзначае прэс-служба, найбольш важныя праекты выконваліся УП "КБТЭМ-ОМА" і ААТ "Інтэграл" — у галіне мікраэлектронікі, УП "МЗОР" і УП "МЗАЛ імя П.М.Машэрава" — у галіне машынабудавання, УП "СКБ Камертон" — у галіне інфарматыкі і сувязі, ІФБ НАН Беларусі — у галіне фармацэўтыкі, НВПУП "АДАНІ" — у галіне аховы здароўя.
Дзяржаўнымі замоўцамі названых праектаў выступілі арганізацыі і прадпрыемствы Міністэрства прамысловасці (восем дагавораў), Міністэрства адукацыі (два дагаворы), Брэсцкага аблвыканкама (два дагаворы), Дзяржкамваенпрама (адзін дагавор), Мінскага аблвыканкама (адзін дагавор) і інш.
Сёлета на падтрымку малога і сярэдняга інавацыйнага прадпрымальніцтва за кошт сродкаў, якія выдзяляюцца праз Белінфонд, плануецца накіраваць 4,75 млрд. рублёў.
Марына Носава,
БелаПАНМінск, 18 красавіка 2011
