Фашызацыя заходніх тэрыторый Беларусі была спынена пасля вызваленчага паходу Чырвонай Арміі ў верасні 1939 года, заявіў грамадскі дзеяч Андрэй Іваноў на круглым стале ў мультымедыйным прэс-цэнтры Sputnik Беларусь.

"Мы памятаем з вамі і канцлагер у Бярозе, і шмат яшчэ чаго", - сказаў ён.

Эксперт лічыць, што па сутнасці на гэтай тэрыторыі быў фашысцкі рэжым Польшчы, а беларускі народ трапіў пад сегрэгацыю. Па словах Іванова, ідэі аб тым, што заходнія землі Беларусі павінны быць польскімі, да гэтага часу лунаюць у грамадстве Польшчы.

"Дарэчы тэхналогія фашызму можа рэалізоўвацца на базе любой ідэалогіі… Пытанне ў тым, каб разбіць людзей на тых, каму можна, каму нельга, гэта значыць стварыць таталітарную канструкцыю", - адзначыў Іваноў.

У такім грамадстве адна частка насельніцтва атрымлівае права дамінавання і навязвання сваёй карціны свету, сваёй ментальнасці, сваёй мовы, сваёй веры і гэтак далей. Гэта, на яго думку, якраз і адбывалася з 1921 па 1939 год.

Іваноў мяркуе, што 17 верасня, калі ў Беларусі адзначаецца Дзень народнага адзінства, можна лічыць не толькі беларускім святам, але і "агульнарускім".

Указ аб гэтым свяце кіраўнік беларускай дзяржавы Аляксандр Лукашэнка падпісаў 7 чэрвеня 2021 года. Ён прымеркаваны да гадавіны пачатку ўз’яднання Заходняй і Усходняй Беларусі, калі Чырвоная Армія перайшла мяжу з Польшчай і пачала вызваленчы паход.

Вынікам гэтага паходу стала ўз’яднанне Заходняй Беларусі з савецкай дзяржавай. Сёлета ў гонар гэтай гістарычнай падзеі ў Мінску вырашана ўстанавіць мультымедыйныя экраны з вялікай колькасцю фотахронікі.

Адным з ключавых упрыгажэнняў сталіцы стане тэматычнае пано на фасадзе Беларускага дзяржаўнага педагагічнага ўніверсітэта імя Максіма Танка.

Мінск, 13 верасня 2024
Sputnik