15.03.2010 12:35
Мінск /Кар. БЕЛТА/.
На фінансаванне расходаў спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў у 2010 годзе будзе выдзелена больш за Br1 млрд. 92 млн. Гэта прадугледжана адпаведным распараджэннем кіраўніка дзяржавы, паведамілі карэспандэнту БЕЛТА ў прэс-службе беларускага лідэра.
Зацверджана таксама рашэнне савета спецыяльнага фонду Прэзідэнта Беларусі па сацыяльнай падтрымцы адораных навучэнцаў і студэнтаў, у адпаведнасці з якім грашовымі прэміямі заахвочаны 36 навучэнцаў і студэнтаў. У прыватнасці, грашовыя прэміі і нагрудны знак "Лаўрэат спецыяльнага фонду Прэзідэнта Рэспублікі Беларусь па сацыяльнай падтрымцы здольных навучэнцаў і студэнтаў" атрымаюць трое студэнтаў Беларускага дзяржаўнага універсітэта, пераможцы 3-й Міжнароднай алімпіяды па астраноміі і астрафізіцы.
Грашовымі прэміямі таксама заахвочаны 33 навучэнцы школ, ліцэяў і гімназій, якія з'яўляюцца пераможцамі алімпіяды школьнікаў Саюзнай дзяржавы "Расія і Беларусь: гістарычная і духоўная агульнасць".
