«Сітуацыя нашмат прасцей, чым была раней. На сёння ў Брэсцкай вобласці на стацыянарным лячэнні з каранавіруснай інфекцыяй знаходзяцца 82 чалавекі. Гэта 2,2% ад піка папярэдняй хвалі. Што тычыцца абласной бальніцы, то цяпер у нас на лячэнні 19 такіх пацыентаў, з іх 17 знаходзяцца ў звычайным аддзяленні і двое — у рэанімацыйным», — сказаў Аляксандр Карпіцкі.

Акрамя таго, па дадзеных галоўнага ўпраўлення па ахове здароўя аблвыканкама, амбулаторна лечацца 229 чалавек, з іх 189 — з пнеўманіямі.

Але пры каранавіруснай інфекцыі адбываюцца і смяротныя выпадкі. «А таму ўсе тыя меры бяспекі, якім на працягу трох гадоў нас вучыла жыццё і пандэмія, — насіць маскі, мыць рукі, праветрываць памяшканне — забываць нельга. У першую чаргу гэта тычыцца дарослых пацыентаў, людзей ва ўзросце 60+, з спадарожнымі захворваннямі, якія абвастраюцца ў перыяд захворвання коронавирусной інфекцыі. Ім трэба асабліва засцерагчыся», — адзначыў галоўны ўрач абласной клінікі.

Ва ўстановах аховы здароўя вобласці ўстаноўлены 255 апаратаў штучнай вентыляцыі лёгкіх. На сёння ні адзін з іх не задзейнічаны. Кіслародныя пункты заняты на 0,1% (5 з 3849).

Другую бустэрную вакцынацыю ад завершанага курсу ў вобласці прайшлі 117 165 чалавек, або 13,7% вакцынаваных. Усяго на Брэстчыне курс першаснай вакцынацыі ад COVID-19 прайшлі больш за 906 тыс. чалавек, што складае 71,8% ад насельніцтва рэгіёна. Таксама першы курс вакцыны прайшлі больш за 53 тыс. дзяцей ва ўзросце ад 5 да 17 гадоў.

Звязда, 24 студзеня 2023