41-гадовы жыхар аблцэнтра звярнуўся па дапамогу ў міліцыю. Ён паведаміў, што ашуканцы скралі ў яго грошы. Міліцыянеры высветлілі, што на кантакт з мужчынам у мэсэнджары выйшаў невядомы. Ён прадставіўся супрацоўнікам праваахоўных органаў. Ілжэміліцыянер паведаміў пацярпеламу, што на яго імя ашуканцы спрабуюць аформіць крэдыт. Каб перашкодзіць зламыснікам, трэба праз банкамат перавесці ўсе свае грошы на «бяспечны рахунак». Так мужчына і паступіў. Агульная сума шкоды склала каля Br30 тыс.

Акрамя таго, у міліцыю звярнулася 59-гадовая жыхарка Брэста. Яна расказала, што з яе карт-рахунку скралі грошы. Праваахоўнікі высветлілі, што ў месанджары ёй патэлефанавалі з замежнага нумара невядомыя. А праз некаторы час паступіў званок з беларускага нумара. Суразмоўца прадставіўся супрацоўнікам Камітэта дзяржаўнага кантролю. Ён паведаміў, што папярэдні званок быў ад ашуканцаў, якія спрабуюць завалодаць грашыма жанчыны. Каб прадухіліць крадзеж, трэба тэрмінова задэклараваць ўсе наяўныя фінансы. Для чаго варта перайсці па спасылцы і ўсталяваць спецыяльны дадатак. Жанчына строга вынікала інструкцыям зламыснікаў. А ўжо пазней зразумела, што стала ахвярай махляроў. Агульная сума шкоды перавысіла Br12 тыс.

Праваахоўнікі высвятляюць асоб, якія маюць дачыненне да гэтых злачынстваў.

Звязда, 12 снежня 2024