Электронны кірмаш вакансій будзе даступны на сайце http://e-vacancy.by. Такая паслуга прапануецца ўсім жыхарам Беларусі і значна скарачае перыяд пошуку работы. У мерапрыемстве паўдзельнічаюць дзевяць арганізацый Мінска: ААТ "МАЗ" - кіруючая кампанія холдынга "БЕЛАЎТАМАЗ", ААТ "Керамін", ААТ "Мінскі мясакамбінат", ААТ "Мінскрамбуд", ДП "Мінсктранс" (6 філіялаў), УП "Мінскводаканал", УП "Мінсккамунцепласетка", РУП "Белмедпрэпараты", УАЗ "5-я гарадская клінічная бальніца".

Будзе прапанавана больш за 1 тыс. вакансій. Саіскальнікі змогуць задаць наймальнікам важныя пытанні і атрымаць кансультацыі з 10.00 да 12.00.

Пасля заканчэння мерапрыемства доступ да вакансій захаваецца, таму што ўсе актуальныя прапановы па працаўладкаванні будуць аўтаматычна перанесены ў базу даных на партале службы занятасці http://gsz.gov.by.

Электронны кірмаш вакансій - гэта форма паслуг, якая прапануецца органамі дзяржаўнай службы занятасці насельніцтва грамадзянам для вырашэння пытанняў працаўладкавання ў рэжыме рэальнага часу. Саіскальнікі работ атрымліваюць магчымасць азнаёміцца з вакансіямі, што прапануюцца наймальнікамі, рэжымам і ўмовамі працы, а таксама задаць важныя пытанні, накіраваць рэзюмэ, атрымаць электронную кансультацыю, запрашэнне на гутарку ў рэжыме рэальнага часу.

26 мая 2020, Мінск
БЕЛТА