Паводле вынікаў таргоў курс еўра вырас на 0,0002 рубля (0,01%) і склаў 2,4471 рубля.

Курс долара ЗША павялічыўся на 0,0050 рубля (0,23%) да 2,1556 рубля.

Курс расійскага рубля не змяніўся і складае 3,2401 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая значна залежыць ад цэн на нафту. Кошт нафты гатунку Brent складае прыблізна 62 долары за бараль.

Сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, на падставе якога ўсталёўваецца афіцыйны курс Цэнтрабанка, вырас на 0,1865 рубля і склаў 66,5499 рубля.

Аляксей Арэшка, БелаПАН
Мінск, 22 студзеня 2019