Як паведамляе "Зялёны партал", Маклюк знялі з начнога цягніка Кіеў — Мінск.
"Звярталіся ветліва, прэтэнзій няма. Але прычыну адмовы не растлумачылі, толькі паставілі штамп у пашпарт "Уезд забаронены". Не ведаю, з чым гэта звязанае. Магчыма, з актывізмам, але сцвярджаць не магу", — расказала Маклюк.
На які тэрмін актывістцы забаронены ўезд у Беларусь, пагранічныя службы не паведамілі, прапанаваўшы звярнуцца з пісьмовым запытам ў міграцыйную службу, каб высветліць падрабязнасці і прычыны забароны.
Праваабаронца Наста Лойка мяркуе, што прычынай адмовы ва ўездзе ў Беларусь магла стаць Расія. "Цяжка даваць адназначныя ацэнкі, але мне здаецца, што гэта звязанае з аб`яднанай базай "непажаданых асобаў" у Беларусі і Расіі. У любым выпадку гэта павінны былі растлумачыць на мяжы. Неабходна рабіць дадатковыя запыты і апратэстоўваць такія дзеянні", — заявіла яна.
