Былі пашкоджаны дахі 69 жылых дамоў (ужо адноўлены 25), 4 аб’екты сацкульбыта (адноўлены 1), 6 вытворчых і 120 сельскагаспадарчых будынкаў. Пацярпелых не было. Аварыйныя брыгады вядуць аднаўленчыя работы.

Згодна з дадзенымі "Белэнерга", з 6 гадзін 21 чэрвеня да 6 гадзін 22 чэрвеня на тэрыторыі краіны быў абясточаны 1 091 населены пункт. Адключэнні аператыўна ліквідаваліся аварыйнымі брыгадамі. Па стану на 8.30 22 чэрвеня электразабеспячэнне спажыўцоў было адноўлена.

Сяргей Расолька
Звязда, 22 чэрвеня 2016