Дакумент з`яўляецца састаўной часткай адзінага пакета праграмных дакументаў на пяцігодку, цесна ўвязаны з выкананнем 20 дзяржаўных праграм галін і сфер дзейнасці, праграмай сацыяльна-эканамічнага развіцця на 2016-2020 гады.

У ім устаноўлены тры базавыя ўмовы эканамічнай палітыкі: забеспячэнне макраэканамічнай збалансаванасці, нарошчванне золатавалютных рэзерваў да мінімальнага бяспечнага ўзроўню і бездаўгавое фінансаванне плацежнага балансу краіны, паступовая выплата сфарміраваных знешніх даўгоў.

Акрамя таго, праграмай вызначаны комплекс паслядоўных і ўзаемазвязаных інстытуцыянальных мер, якія згрупаваны ў пяць галоўных блокаў.

Першы - меры, накіраваныя на аднаўленне канкурэнтаздольнасці прамысловага комплексу.

Другі звязаны са зніжэннем затрат і рэструктурызацыяй энергетыкі і ЖКГ.

Трэці прадугледжвае стварэнне рабочых месц, развіццё малога і сярэдняга бізнесу.

Чацвёрты закранае інфраструктуру і будаўнічы комплекс з вызначэннем механізмаў аптымізацыі затрат, росту і дыверсіфікацыі экспарту будаўнічых паслуг.

Пяты забяспечвае магутную сацыяльную накіраванасць праграмы, сутнасць якой заключаецца ў мэтавым характары такой падтрымкі, рэалізацыі сацыяльных праграм для павышэння якасці жыцця грамадзян.

Міністэрству эканомікі штогод да 1 красавіка года, які ідзе за справаздачным, даручана прадстаўляць у Савет Міністраў абагульненую інфармацыю аб ходзе выканання праграмы з унясеннем пры неабходнасці прапаноў аб яе ўдакладненні.

Кантроль за выкананнем гэтай пастановы ўскладзены на намеснікаў прэм`ер-міністра згодна з курыруемымі напрамкамі. Пастанова ўступае ў сілу з дня яе прыняцця.

15 красавіка 2016, Мінск
Юлія Огнева - БЕЛТА