Пералік сістэмна значных банкаў і нябанкаўскіх крэдытна-фінансавых арганізацый зменіцца з пачатку наступнага года, вынікае з паведамлення Нацбанка Беларусі.

Цяпер у першай групе сістэмна значных банкаў – Беларусбанк, Белаграпрамбанк, Прыёрбанк, Альфа-Банк і "Сбер Банк", але з 1 студзеня 2025 года з гэтай пяцёркі будзе выключаны "Сбер Банк". Ён пяройдзе ў другую групу.

Астатнія банкі, якія на дадзены момант ёсць у другой групе, застануцца там і ў 2025 годзе: Белгазпрамбанк, "БелВЭБ", Белінвестбанк, МТБанк, "ВТБ" і БНБ-банк.

Такім чынам, у першай групе засталіся два дзяржаўныя банкі, адзін банк з асноўнымі ўладальнікамі з ААЭ і адзін з канчатковым уладальнікам у Люксембургу (паводле звестак са справаздачы на ​​31 снежня 2023 года).

Адзіны банк з расійскім дзяржаўным капіталам у першай групе зараз – "Сбер Банк". Гэта значыць, у будучым годзе ўсе банкі, звязаныя з дзяржкапіталам РФ, будуць у другой групе.

Як растлумачылі ў Нацбанку, прызнанне сістэмна значным банкам вызначаецца маштабам дзейнасці, узаемазвязанасцю з банкамі-рэзідэнтамі, значнасцю для эканомікі і гэтак далей. Тыя банкі, якія ёсць у пераліку, павінны выконваць, у тым ліку, патрабаванні дастатковасці нарматыўнага капіталу.

Мінск, 17 лістапада 2024
Sputnik