Побач з імі — гонар Магілёўшчыны — уладальніцы Гран-пры, пераможцы міжнародных і рэспубліканскіх вакальных фестываляў і конкурсаў Валерыя Азаранка і Вольга Канавалава і салістка Магілёўскай абласной філармоніі Вольга Гарнічар, якая ўдастоілася гранта Прэзідэнта Рэспублікі Беларусь у галіне культуры.

— Ідэя падаць беларускі арнамент праз асоб «ад мастацтва» вельмі актуальная, бо менавіта яны спрыяюць захаванню нацыянальных духоўных традыцый і развіццю беларускай культуры, а таксама папулярызуюць яе за мяжой, — адзначыла Іна Караткевіч, начальнік упраўлення ідэалагічнай работы, культуры і па справах моладзі Магілёўскага гарвыканкама. Менавіта гэта ўпраўленне выступіла ініцыятарам праекта.

Памочнікам у рэалізацыі карыснай справы стала рэкламнае агенцтва «Рекламатар» — буйны распрацоўшчык праектаў, у тым ліку і сацыяльных. (З найбольш вядомых — «Дажынкі», «Александрыя збірае сяброў», «Моладзь. Будучыня».)

— Тэматычныя плакаты на рэкламных шчытах — толькі першы крок у рэалізацыі праекта «Азбука беларускага арнаменту». Зараз мы працуем над далейшымі спосабамі падачы інфармацыі. Магчыма, гэта будзе тэматычны сайт, група ў сацыяльных сетках, флэшмобы, — удакладніла каардынатар праекта Юлія Антоненка.

Нэлi Зігуля
zigulya@zviazda.by

Звязда, 17 лютага 2016