"Больш за 20 гадоў мы жывём у сваёй суверэннай беларускай дзяржаве. За гэты час мы змаглі на шматвяковым гістарычным вопыце і традыцыях нашага народа пабудаваць мадэль дзяржаўнага ладу, вызначыць шлях развіцця нашага грамадства на будучыню", - адзначыў Марат Жылінскі.

Характэрныя рысы сучаснай беларускай мадэлі былі, паводле слоў рэктара, сфармуляваны яшчэ 20 гадоў таму.

"Яны простыя і зразумелыя для ўсіх слаёў грамадства. Гэта справядлівае жыццеўладкаванне, імкненне да сацыяльнай гармоніі, стабільнасці, спакой і ўпэўненасць у заўтрашнім дні", - растлумачыў ён.

Марат Жылінскі дадаў, што, вядома, беларуская мадэль дзяржаўнага ладу, як і любая іншая, не ідэальная.

"Тут таксама ёсць праблемы, якія патрабуюць вырашэння. Але зададзімся пытаннем: ці фундаментальныя яны? І наогул, хто можа на сённяшні дзень паказаць ідэальную сістэму?" - сказаў рэктар.

Ён падкрэсліў, што пытанне ў іншым. Важна, наколькі эфектыўная сістэма дзяржаўнага ладу ў сучасных умовах. Напрыклад, эксперты з Еўрапейскага цэнтра геапалітычнага аналізу адзначаюць, што беларуская мадэль увабрала ў сябе станоўчыя моманты іншых сістэм. Яна гарманічна спалучае баланс грамадскага і асабістага. Больш таго, яна адкрыта для сацыяльных і эканамічных навацый.

Акрамя таго, для эфектыўнай работы сістэмы дзяржкіравання неабходна, каб яна не адрывалася ад асноў. Гэта значыць, яна павінна служыць дзяржаве, грамадству і людзям. Калі парушыць гэты прынцып, то адбудзецца дэградацыя сістэмы ўлады. "Хутка зменлівыя сацыяльна-эканамічныя ўмовы сучаснага свету ставяць перад органамі дзяржаўнай улады новыя задачы, не супастаўныя (з тым, што было раней.) па сваіх маштабах, складанасці і комплекснасці", - рэзюмаваў рэктар Акадэміі кіравання.

20 лістапада 2015, Мінск
БЕЛТА