У Цэнтральным батанічным садзе НАН Беларусі 25 мая праходзіць святочнае мерапрыемства "Рададэндран — шыкоўны колер батанічнага сада".
Як паведамляюць арганізатары, у батанічным садзе растуць 40 разнавіднасцяў рададэндранаў. На свяце можна ўбачыць цвіценне гэтых раслін, а таксама даведацца ад куратара калекцыі аб месцах натуральнага вырастання рададэндранаў, асаблівасцях іх вырошчвання і догляду квітнеючых кустоў.
Сёння ў батанічным садзе працуе выстава-продаж саджанцаў рададэндранаў і іншых дэкаратыўных раслін. У праграме свята таксама выступленне музычнага дома "Класіка" і экскурсіі па садзе.
Анастасія Салановіч,
БелаПАНМінск, 25 мая 2013
