Свае прапановы прадстаўнікі грамадскасці могуць адсылаць у міністэрства па электроннай пошце kodeks-kultura@tut.by да 15 лютага 2013 года.

"Летась Міністэрствам культуры было арганізавана грамадскае абмеркаванне канцэпцыі праекта кодэкса, а цяпер мы прапаноўваем грамадскасці абмеркаваць сам праект", — адзначыла яна.

Як значыцца ў праекце дакумента, кодэкс "накіраваны на забеспячэнне права кожнага на ўдзел у культурным жыцці, на стварэнне прававых, эканамічных і сацыяльных умоў па захаванні, развіцці і распаўсюджванні культуры, арганізацыйным, прававым, фінансавым, матэрыяльна-тэхнічным, кадравым, інфармацыйным і іншым забеспячэнні культурнай дзейнасці".

Праект Кодэкса аб культуры складаецца з пяці раздзелаў, якія аб`ядноўваюць звыш 270 артыкулаў. Ён тычыцца, у прыватнасці, такіх пытанняў, як супрацоўніцтва ў сферы культуры на нацыянальным і міжнародным узроўні, сістэмы ведамаснага і грамадскага кантролю ў гэтай галіне, рэгламентуе фарміраванне і дзейнасць творчых саюзаў, парадак вызначэння культурных каштоўнасцей, а таксама ўтрымлівае рознага роду палажэнні аб музеях, кінематаграфіі, творчых калектывах і шмат іншага.

Захар Шчарбакоў, БелаПАН
Мінск, 26 студзеня 2013