У злёце бяруць удзел уладальнікі больш як 70 аўтамабіляў, паведаміў адзін з арганізатараў мерапрыемства Алег Валодзькін. Паводле яго слоў, прэзентаваны машыны выпуску ад 1923 да 1991 гадоў.

"Самым старым аўтамабілем будзе "Форд T" 1923 года выпуску, наступны — "Б`юік" серыі 57 1935 года выпуску. Аднак большасць машын, што ўдзельнічаюць у злёце, выпушчаны з 1953 па 1970 гады", — сказаў Валодзькін.

"На жаль, увезці ў Беларусь антыкварную машыну вельмі праблематычна. Наша новае заканадаўства практычна абмежавала ўвоз сюды старых аўтамабіляў. Разумення мы не знаходзім ні сярод кіраўніцтва горада, ні сярод кіраўніцтва рэспублікі", — зазначыў ён.

БелаПАН, 5 мая 2012