https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Камітэту дзяржаўнай бяспекі вядомыя прозвішчы супрацоўнікаў ЦРУ, якія працуюць пад дыпламатычным прыкрыццём у Вільні, Варшаве і іншых дзяржавах і рыхтуюцца да дэстабілізацыі абстаноўкі ў Беларусі ў перыяд прэзідэнцкіх выбараў 2025 года


Пра гэта журналістам заявіў старшыня КДБ Іван Тэртэль.
Іван Тэртэль пракаментаваў абстаноўку напярэдадні маючай адбыцца электаральнай кампаніі ў Беларусі. «Выбары 2024 года — гэта важная падзея ў жыцці нашай краіны, але Захад ацэньвае гэты перыяд як невысокі шанец для змены сітуацыі ў Беларусі. Таму 2024 год стане часам абкаткі тэхналогій для ціску на нашу краіну і змены ладу. Асноўны ўпор будзе рабіцца на дыскрэдытацыі выбараў. Яны яшчэ не пачаліся, але ўжо гучаць лозунгі, што ў беларусаў нібыта няма выбару», — сказаў ён.

Паводле Івана Тэртэль, каля 350 так званых незалежных назіральнікаў падрыхтаваныя ў Грузіі, Літве, Польшчы і некаторых іншых дзяржавах. «Рыхтуюць іх за грошы спецслужбаў, якія адмываюцца праз фонды — чэшскія, амерыканскія і іншыя. Усё гэта грошы спецслужбаў, якія вылучаюцца на пераварот у нашай краіне», — падкрэсліў ён.

Кіраўнік КДБ таксама звярнуў увагу на спробы ўплыву на наша грамадства праз агентуру. «Фармуюцца рознага роду ячэйкі ў розных структурах. Зараз актыўна прапрацоўваюцца пытанні фармавання такіх ячэек на прадпрыемствах і ў ВНУ. Мы гэта таксама ведаем і над гэтым працуем», — запэўніў ён.

Як адзначыў Іван Тэртэль, асноўныя падзеі будуць адбывацца ў 2025 годзе ў перыяд прэзідэнцкіх выбараў. «Цяпер амерыканцы — ЦРУ, Дзярждэп — праводзяць адпаведную працу. Мы ведаем пофамільна супрацоўнікаў ЦРУ, якія працуюць пад дыпламатычным прыкрыццём у пасольствах Вільні, Варшавы, некаторых іншых дзяржаў. Ёсць шмат спачуваючых грамадзян Літвы, Польшчы, Амерыкі. Таму мы ведаем, што адбываецца, у тым ліку на сёмым паверсе Дзярждэпу», — падкрэсліў ён.

Рэзюмуючы, Іван Тэртэль заявіў, што Прэзідэнт Беларусі асабіста трымае руку на пульсе, унікае ва ўсе моманты і ведае ўсе нюансы. «У 2025 годзе будзе нялёгка, мы пра гэта ведаем. Але мы да гэтага гатовыя. Усё будзе спакойна», — сказаў на заканчэнне ён.

Звязда, 13 снежня 2023
 
Дата публикации:13.12.2023
Тематика:Новости, Беларусь
Просмотров:150
 
Ключевые слова:
Выборы в Беларуси Спецслужбы Госпереворот Национальная безопасность
 
 


Комментарии



 



Другие новости по этой теме