Прэзідэнт Беларусі Аляксандр Лукашэнка зацвердзіў новы план абароны Беларусі і Канцэпцыю будаўніцтва і развіцця Узброеных сіл да 2030 года на пасяджэнні Савета бяспекі.
У план абароны Беларусі ўваходзіць адразу некалькіх дакументаў. Іх на працягу года вывучалі і аналізавалі ў Генштабе Узброеных Сіл і абмяркоўвалі падчас нарад з прадстаўнікамі сілавога блока. У ліку асноўных дакументаў - рашэнне галоўнакамандуючага на абарону Беларусі і дырэктыва на абарону краіны.
"У плане абароны акцэнт робіцца на прадухіленні развязвання агрэсіі, стратэгічным стрымліванні. Гэтаму нададзена больш увагі, чым у папярэднім плане, распрацаваны дакументы па стратэгічным стрымліванні. Нададзена больш увагі і пытанням дэстабілізацыі сітуацыі ў краіне - гэта таксама пытанні абароны", - пракаментаваў Дзяржсакратар Савета бяспекі Станіслаў Зась, паведамляе БелТА.
У Канцэпцыі будаўніцтва і развіцця Узброеных Сіл да 2030 года вызначаецца склад і структура арміі, яе задачы ў мірны і ваенны час.
Згодна з новай канцэпцыі, існуючы склад і структура ВС РБ будуць захаваны, іх будуць развіваць, удасканальваючы баявую падрыхтоўку, а таксама пераўзброіць і мадэрнізаваць тэхнічную базу.
Мінск, 19 снежня 2019
