Мацярынская і дзіцячая смяротнасць у Беларусі знаходзіцца на ўзроўні высокаразвітых краін. "Паказчык дзіцячай смяротнасці ў 2016 годзе склаў 3,2 праміле, за 7 месяцаў бягучага года - 2,9 праміле. Гэта даволі нізкі ўзровень. Мы знаходзімся на трэцяй рэйтынгавай пазіцыі ў свеце па гэтым паказчыку", - сказаў Канстанцін Вільчук.

З году ў год расце ўдзельная вага нармальных родаў. Сёння гэты паказчык складае 41,7 працэнта. Такіх рэзультатаў удалося дасягнуць дзякуючы рознаўзроўневай сістэме аказання перынатальнай дапамогі, адзначыў дырэктар РНПЦ.

Паводле яго слоў, многія краіны перанялі вопыт Беларусі ў плане арганізацыі службы. У той жа час выклікае заклапочанасць стан здароўя жанчын. Сёння 70 са 100 маюць тое ці іншае захворванне ў час цяжарнасці.

У краіне дапамогу маці і дзецям аказваюць 107 устаноў. У галаўную - РНПЦ "Маці і дзіця" - накіроўваюцца пацыенткі з высокай рызыкай перынатальных страт. Як правіла, у цэнтры знаходзяцца жанчыны, якія маюць цяжкую экстрагенітальную паталогію.

30 жніўня 2017, Мінск
БЕЛТА