"У нас ёсць нейкія дамовы з ЕС па міграцыі. Яны нібыта вылучаюць нам сродкі на добраўпарадкаванне месцаў знаходжання мігрантаў. Я хацеў бы пачуць вашу ацэнку ў гэтым плане і ацэнку нашых дамоўленасцяў, дзеянняў. Што на сённяшні дзень зроблена, і што мы будзем рабіць?" — цытуе Лукашэнку прэс-служба прэзідэнта.
"Хачу гэта сказаць яшчэ таму, што зноў жа ў сродках масавай інфармацыі, я гляджу, некаторыя нашы асабліва "свядомыя" крычаць аб тым, што мы ледзь не ператвараем Беларусь у "адстойнік". Хачу папярэдзіць, што ніякага "адстойніка" ў Беларусі быць не павінна. Нам чужыя мігранты тут не патрэбныя", — заявіў кіраўнік дзяржавы.
"Калі хтосьці ў гэтым зацікаўлены, то грошы павінны вылучацца не толькі пад стварэнне такіх пунктаў і паселішчаў для незаконных мігрантаў, але і іх далейшую экстрадыцыю. Нам яны тут не патрэбныя. Гэта трэба мець на ўвазе. Таму пакуль мы далёка ў гэтым плане не зайшлі, калі ёсць нейкія небяспекі, мы павінны неадкладна прыпыніць такія працэсы. Калі гэта неабходна", — запатрабаваў ён.
Як паведаміла 17 студзеня Міністэрства ўнутраных спраў, Еўрапейская камісія прыняла рашэнне аб выдзяленні Беларусі 7 млн еўра для рэалізацыі ў краіне праекта міжнароднай тэхнічнай дапамогі "Садзейнічанне Рэспубліцы Беларусь у вырашэнні пытанняў, звязаных з павялічэннем патоку нелегальных мігрантаў".
Фінансаванне будзе выдзелена ў рамках Еўрапейскага інструмента добрасуседства і партнёрства на падставе адпаведнага фінансавага пагаднення, якое павінна быць падпісана паміж МУС, Еўрапейскай камісіяй і прадстаўніцтвам Міжнароднай арганізацыі па міграцыі (МАМ) у Беларусі. Яго праект ужо прадстаўлены на разгляд беларускаму боку.
Фінансаванне будзе выдзелена ў рамках Еўрапейскага інструмента добрасуседства і партнёрства на падставе адпаведнага фінансавага пагаднення, якое павінна быць падпісана паміж МУС, Еўрапейскай камісіяй і прадстаўніцтвам Міжнароднай арганізацыі па міграцыі (МАМ) у Беларусі. Яго праект ужо прадстаўлены на разгляд беларускаму боку.
Партнёрамі МУС выступяць Дзяржпагранкамітэт, МЗС, прадстаўніцтва УВКБ ААН у Беларусі, а таксама асобныя беларускія грамадскія аб`яднанні, якія займаюцца пытаннямі аказання дапамогі найбольш уразлівым катэгорыям мігрантаў.
Адным з кірункаў працы ў межах праекта будзе стварэнне цэнтраў часовага ўтрымання замежных грамадзян. Пры гэтым гаворка ідзе толькі пра замежнікаў — незаконных мігрантаў, затрыманых у Беларусі, сірыйскія альбо іншыя бежанцы з ЕС у іх размяшчацца не будуць.
Адным з кірункаў працы ў межах праекта будзе стварэнне цэнтраў часовага ўтрымання замежных грамадзян. Пры гэтым гаворка ідзе толькі пра замежнікаў — незаконных мігрантаў, затрыманых у Беларусі, сірыйскія альбо іншыя бежанцы з ЕС у іх размяшчацца не будуць.
Утрыманне незаконных мігрантаў плануецца ў перыяд правядзення неабходных працэдур, звязаных з ідэнтыфікацыяй асобы і/або дэпартацыяй. На гэты момант у МУС і ДПК адсутнічаюць спецыялізаваныя памяшканні, прызначаныя для ўтрымання і працы з гэтай катэгорыяй грамадзян. Апошнія размяшчаюцца ў ізалятарах часовага ўтрымання тэрытарыяльных АУС і ДПК.
Акрамя стварэння цэнтраў грашовыя сродкі прызначаюцца і для садзейнічання добраахвотнаму вяртанню замежнікаў з Беларусі ў дзяржавы, грамадзянамі якіх яны з`яўляюцца, а таксама вырашэння шэрагу іншых задач.
Каментуючы гэтае рашэнне, міністр замежных спраў Расіі Сяргей Лаўроў 17 студзеня адзначыў, што яно выклікае ў расійскага боку пытанні, паколькі "стварае магчымасці для злоўжыванняў". У адказ на гэта прэс-сакратар МЗС Беларусі Дзмітрый Мірончык заявіў: "У нашых расійскіх партнёраў няма ні найменшай падставы для заклапочанасці ў сувязі з дамоўленасцю Беларусі і Міжнароднай арганізацыі па міграцыі стварыць у нашай краіне цэнтры часовага ўтрымання замежных грамадзян, якія адпавядаюць самым сучасным стандартам".
