"Я, перш за ўсё, адзначыў бы карэктнасць і спакой Прэзідэнта ў час адказаў на вострыя пытанні. Было відаць, што кіраўнік дзяржавы адчувае сітуацыю, бачыць усе праблемы і не збіраецца іх скрываць, прапануе разбірацца і вырашаць гэтыя пытанні", - сказаў Зыгмунд Валявач.

Дэпутат таксама адзначыў, што Аляксандр Лукашэнка нездарма спыняўся на пытанні нацыянальнай бяспекі. "Сёння гэта самае галоўнае для нас. Беларусь не прэтэндуе ні на якія землі, але бяспеку дзяржавы мы ўсе абавязуемся забяспечыць. У гэтым ключы важна адзначыць і пастаяннае развіццё Узброеных Сіл Беларусі. Прэзідэнт адзначыў, што спецыялісты вывучаюць ваенныя канфлікты, і на аснове гэтага праходзіць рэфармаванне арміі. Правільна, лепш вучыцца на чужых памылках", - лічыць ён.

Зыгмунд Валявач перакананы, што сустрэча Аляксандра Лукашэнкі з прэсай у фармаце адкрытага дыялогу дэмакратызавала мерапрыемства: кожны мог задаць вострае пытанне і быць упэўненым у тым, што абавязкова атрымае на яго адказ. "Гэта была жывая размова, адкрытая дыскусія", - сказаў на заканчэнне дэпутат.

30 студзеня 2015, Мінск
БЕЛТА