Сярод мноства мерапрыемстваў, запланаваных да святкавання Дня Перамогі, асабліва цікавым абяцае стаць рэспубліканскі тэатральны фестываль «Перамога».
Актыўны ўдзел у арганізацыі фестывалю прымае Нацыянальны акадэмічны тэатр імя Янкі Купалы. На яго сцэне збяруцца калектывы з такіх гарадоў, як Брэст, Бабруйск, Гомель, Гродна і Пінск. Свае спектаклі гледачам таксама прадставяць сталічныя тэатры.
Усе пастаноўкі, якія можна наведаць падчас фестывалю «Перамога», аб’ядноўвае агульны матыў — Вялікая Айчынная вайна. Спектаклі для ўдзелу ў фестывалі адбірала Рэспубліканская экспертная камісія па тэатральным мастацтве.
Стаць госцем фестывалю можна з 29 красавіка па 16 мая.
Арганізатары фестывалю — Міністэрства культуры, аблвыканкамы, Мінскі гарвыканкам, Нацыянальны акадэмічны тэатр імя Янкі Купалы.
Звязда, 28 красавіка 2023
