Адпаведны ўказ 17 красавіка падпісаў Аляксандр Лукашэнка, паведаміла прэс-служба прэзідэнта.
Генерал-маёр Аляксандр Нікіцін вызвалены ад пасады камандуючага Сухапутнымі войскамі Узброеных сіл і залічаны ў распараджэнне міністра абароны.
Даведка БелаПАН Нікіцін быў прызначаны на гэту пасаду 6 ліпеня 2006 года. 7 снежня 2011 года начальнік Генеральнага штаба Узброеных сіл генерал-маёр Пётр Ціханаўскі паведаміў, што камандаванне Сухапутных войскаў расфарміроўваецца і спыняе існаванне. Ён зазначыў, што 10 гадоў таму камандаванне СВ стваралася пад новую задачу: разам з кіраўніцтвам паўсядзённай дзейнасцю войскаў яно павінна было займацца фарміраваннем і падрыхтоўкай тэрытарыяльнай абароны. У 2011 годзе пасля вучэнняў з сістэмай тэрытарыяльнай абароны было прызнана, што яна эфектыўная і павінна быць пад непасрэдным кіраўніцтвам Генеральнага штаба.
Дзмітрый Уласаў,
БелаПАНМінск, 17 красавіка 2012
