На адным баку медаля на фоне прамянёў, якія радыяльна разыходзяцца з цэнтра, размешчана выява старадаўняй пажарнай каскі па-над сякерай і пажарным ствалом. У верхняй частцы знаходзіцца стужка з надпісам «170 год», у ніжняй — «Пажарнай службе Беларусі».

Юбілейным медалём будуць узнагароджваць работнікаў і грамадзянскі персанал органаў і падраздзяленняў па надзвычайных сітуацыях за ўзорнае выкананне службовых абавязкаў, а таксама іншых асоб за значны ўклад у развіццё і ўдасканаленне дзейнасці ў сферах абароны насельніцтва і тэрыторыі Беларусі ад надзвычайных сітуацый прыроднага і тэхнагеннага характару, забеспячэнне пажарнай, прамысловай, ядзернай і радыяцыйнай бяспекі, грамадзянскай абароны, за ўзаемадзеянне дзяржорганаў і іншых арганізацый з органамі і падраздзяленнямі па надзвычайных сітуацыях.

Звязда, 4 ліпеня 2023