Супрацоўнік галоўнага ўпраўлення разведкі Мінабароны Украіны Вячаслаў Розум вербаваў агентаў для тэрактаў у Беларусі, паведамілі ў эфіры тэлеканала АНТ.
Па даных спецслужбаў тэлеканала, Розум затрыманы і, ён паспеў завербаваць, як мінімум, дваіх. Мішэнямі для тэрактаў у Гродне павінны былі стаць некалькі аб`ектаў, сярод якіх Генконсульства РФ, што нядаўна адкрылася.
Падрабязнасці абяцаюць раскрыць увечары 4 красавіка ў эфіры згаданага канала. Раней таксама паведамлялася, што ў Гродне 19 сакавіка спецназ КДБ ліквідаваў тэрарыста. Ён аказаў узброенае супраціўленне і быў смяротна паранены.
"Граната, якую ён кінуў у нашых рабят, адбілася аб шчыт, упала пад ногі нашаму байцу. Ён яе адкінуў у суседні калідорчык, які вядзе да кухні, і там яна выбухнула", - расказаў у эфіры ДзяржТБ інспектар па Гродзенскай вобласці Юрый Караеў.
Інцыдэнт меў месца на вуліцы Курчатава. Тэрарыст выкарыстаў не толькі гранаты, але і аўтаматычную зброю. Сілавікам удалося пазбегнуць страт, грамадзянскія асобы таксама не пацярпелі.
Беларускае дзяржТБ паказала кадры з месца перастрэлкі. На іх відаць кулявыя адтуліны ў мэблі і сценах у кватэры, якую здымаў тэрарыст. Узбуджана крымінальная справа, у рамках расследавання затрымалі некалькі чалавек.
