Тэрмін расследавання справы па частках 1 і 2 артыкула 293 Крымінальнага кодэкса (масавыя беспарадкі) працягнуты пракуратурай Мінска да пяці месяцаў. Аб гэтым паведамілі ў праваахоўных органах.
Нагадаем, расследаваннем справы аб падзеях у сталіцы 19 снежня, у дзень прэзідэнцкіх выбараў, займаецца папярэдняе расследаванне ГУУС Мінгарвыканкама.
Як заявіў суразмоўца агенцтва, працяг расследавання на такі значны тэрмін не азначае, што столькі ж абвінавачваныя, якія цяпер утрымліваюцца ў СІЗА КДБ, будуць знаходзіцца пад вартай. Матэрыялы ў дачыненні да фігурантаў крымінальнай справы па меры завяршэння расследавання будуць паступова накіроўвацца ў суды.
Абвінавачванымі па крымінальнай справе аб масавых беспарадках з`яўляюцца 42 чалавекі. Большасці з іх знаходзіцца пад вартай. У прыватнасці, у СІЗА КДБ утрымліваюцца экс-кандыдаты ў прэзідэнты Андрэй Саннікаў і Мікалай Статкевіч.
1 студзеня пад падпіску аб нявыездзе быў адпушчаны Віталь Рымашэўскі, 29 студзеня пераведзены пад дамашні арышт Уладзімір Някляеў. 19 лютага пад падпіску аб нявыездзе адпушчаны Аляксей Міхалевіч. Яшчэ два былыя кандыдаты ў прэзідэнты, Рыгор Кастусёў і Дзмітрый Ус, з`яўляюцца падазронымі па крымінальнай справе.
Вячаслаў Будкевіч
БелаПАНМінск, 21 лютага 2011
