Старшыня Цэнтрвыбаркаму Лідзія Ярмошына лічыць, што Бюро па дэмакратычных інстытутах і правах чалавека АБСЕ, якое арганізуе місіі міжнароднага назірання на выбарах, прысвойвае сабе карныя функцыі. Такую выснову спадарыня Ярмошына зрабіла ў інтэрв’ю тэлеканалу АНТ.
Яна лічыць, што назіральнікі ад АБСЕ бяруць на сябе функцыі, якія выходзяць далёка да межы самой ідэі міжнароднага назірання. На думку старшыні ЦВК, гэта ўжо ўмяшанне ў справы ўнутранага дзяржаўнага суверэнітэту, цытуе Ярмошыну партал TUT.by
Нагадаем, 20 снежня АБСЕ дала адмоўную ацэнку мінулым прэзідэнцкім выбарам у Беларусі. Сярод негатыўных момантаў вылучаюць вечар 19 снежня, які быў азмрочаны масавымі непарадкамі і затрыманнямі.
Еўрарадыё
26 снежня 2010
