У ходзе канферэнцыі разглядаюцца сучасныя падыходы да ажыццяўлення нацыянальных інтарэсаў і бяспекі Рэспублікі Беларусь, актуальныя выклікі і пагрозы, выкарыстанне сучасных гібрыдных тэхналогій маніпулявання грамадскай свядомасцю, пытанні біялагічнай бяспекі.

«Значнасць мерапрыемства абумоўлена з’яўленнем новых рызык, выклікаў і пагроз развіццю і бяспецы, — адзначана ў прывітальным слове дзяржаўнага сакратара Савета бяспекі Аляксандра Вальфовіча да ўдзельнікаў канферэнцыі. — Прадаўжаецца беспрэцэдэнтная мілітарызацыя заходніх дзяржаў. У прыграніччы Беларусі, у тым ліку на гродзенскім участку дзяржаўнай граніцы, адзначаецца канцэнтрацыя войскаў Польшчы, якая прыняла рашэнне аб паэтапным павелічэнні да 2025 года колькасці ўзброеных сіл да 250 тыс. чалавек, а абароннага бюджэту — да 2,5 працэнта ад ВУП.

Украінскі крызіс выйшаў за лакальныя межы і набывае маштаб рэгіянальнай катастрофы. З улікам абнародавання Расіяй новых фактаў аб рэалізацыі ў краіне ваенна-біялагічных праграм ЗША асаблівае значэнне набываюць пытанні біялагічнай бяспекі. Узмацняецца санкцыйны і іншы гібрыдны націск на Беларусь, захоўваецца негатыўнае інфармацыйнае ўздзеянне на грамадства».

Паводле слоў Аляксандра Вальфовіча, у гэтых няпростых умовах прынцыпова важна пачуць розныя пункты гледжання па пытаннях абароны нацыянальных інтарэсаў, рэагавання на новыя рызыкі, выклікі і пагрозы ў сферы ажыццяўлення бяспекі ў першую чаргу прадстаўнікоў навуковай супольнасці, а таксама знайсці шляхі вырашэння найбольш вострых і актуальных праблем.

Звязда, 29 сакавіка 2022